બોલીવુડમાં સલમાન ખાન, કરણ જોહર અને સંજય લીલા ભણશાળી ફિલ્મ સ્ટારના સંતાનોને લોન્ચ કરવા માટે જાણીતા છે. ભણશાળી હવે જાણીતી અભિનેત્રી પૂનમ ધિલ્લોનના પુત્રને પોતાની આગામી ફિલ્મમાં પેશ કરશે અગાઉ આ ફિલ્મ માટે શાહિદ કપુરને પસંદ કરવામાં આવ્યો હતો, પણ તેણે આ રોલ કરવાની ના પાડી દીધી હતી. ત્યારબાદ સંજય ભણશાળીએ અનમોલને પોતાની ફિલ્મમાં રજૂ કરવાનો નિર્ણય લીધો હતો. હાલમાં સંજય આ ફિલ્મનું શૂટિંગ લંડનમાં કરી રહ્યો. પોતાના પુત્રને એક નીવડેલા દિગ્દર્શકની ફિલ્મમાં કામ કરવાની તક મળ રહી છે તે વાત જાણીને પૂનમ ખૂબ જ ખુશ છે. અનમોલ ઠાકરિયા સાથે હીરોઈનની ભૂમિકા કોને આપવી એ અંગે પણ વિચારણા કરવામાં આવી રહી છે. પૂનમ ધિલ્લોને પોતાનો આનંદ વ્યક્ત કરતાં કહ્યું હતું કે, મારા પુત્ર અણમોલે પોતાની તાકાત થી આ ફિલ્મ મેળવી છે. મેં એ માટે અણમોલને કશી મદદ કરી નથી. મને લાગે છેકે મારા પુત્ર અણમોલને ડેબ્યુ કરવા માટે આ ઉમદા અવસર પ્રાપ્ત થયો છે.