ન્યુ યોર્કઃ શુક્રવારે એન્ટાર્કટિકાના બ્રન્ટ આઇસ શેલ્ફથી બરફનો મોટો ભાગ તૂટી ગયો. આ સ્થાન બ્રિટનની વૈજ્ઞાનિક આઉટપોસ્ટથી દૂર નથી. બ્રિટીશ એન્ટાર્કટિક સર્વે (ગ્ખ્લ્) અનુસાર આઇસબર્ગનો તૂટેલો ભાગ ૪૯૦ ચોરસ માઇલ (૧૨૭૦ ચોરસ કિલોમીટર) છે. તે કદમાં ન્યુ યોર્ક સિટી કરતા મોટો છે.
ગ્ખ્લ્ અનુસાર, અહીં બરફની જાડાઈ લગભગ ૧૫૦ મીટર છે. તેમાં મોટી તિરાડો હોવાને કારણે વૈજ્ઞાનિકો લાંબા સમયથી વિશાળ આઇસબર્ગના તૂટવાની આશંકા કરતાં હતા. હમણાં જ આ સ્થળે ખાઈ તૈયાર થઈ આવી છે. નવેમ્બરમાં, અહીં એક મોટી તિરાડ દેખાઈ. જાન્યુઆરીમાં તે એક કિલોમીટર સુધી વધી છે.
બીએએસએ થોડા દિવસો પહેલા બનાવેલ આનો એક વીડિયો જાહેર કર્યો છે. તેમાં આઇસબર્ગની લાંબી ક્રેક દેખાય છે. શુક્રવારે સવારે આ તિરાડ અનેક સો મીટર પહોળી થઈ ગઈ. આને કારણે, આ ભાગ અલગ પડી ગયો. બીએએસના ડિરેક્ટર જેન ફ્રાન્સિસ કહે છે કે અમારી ટીમો ઘણા વર્ષોથી આ પરિસ્થિતી માટે તૈયાર છે.
આ સ્થાનના રોજિંદા અપડેટ્સ સેટેલાઇટ છબીઓ અને તેમના નેટવર્ક દ્વારા પ્રાપ્ત થાય છે. આ ડેટા વિશ્લેષણ માટે કેમ્બ્રિજને મોકલવામાં આવ્યો છે. તેથી અમે જાણીએ છીએ કે એન્ટાર્કટિકમાં શું થઈ રહ્યું છે.
