નવી દિલ્હીઃ ‘ભારત જોડો યાત્રા’ રાજસ્થાનના બાબાઈથી શરૂ થઈ હતી. રાજ્યભરમાંથી મહિલાઓ રાહુલ ગાંધી અને પ્રિયંકા ગાંધી સાથે હાથ મિલાવશે. ૧૨ ડિસેમ્બરે માત્ર મહિલાઓ પદયાત્રામાં જશે. આજની યાત્રાને ‘મહિલા શક્તિ પદયાત્રા’ નામ આપવામાં આવ્યું છે. ત્યારબાદ ‘ભારત જોડો યાત્રા’ રાજસ્થાનના સવાઈ માધોપુર જિલ્લામાં પ્રવેશ કરશે.
‘ભારત જોડો યાત્રા’ના ૯૫માં દિવસે પ્રિયંકા ગાંધી અને રોબર્ટ વાડ્રાઍ બુંદી જિલ્લામાં ભાગ લીધો હતો. તેમજ હિમાચલ પ્રદેશના મુખ્યમંત્રી સુખવિંદર સિંહ સુખુ અને નાયબ મુખ્યમંત્રી મુકેશ અગ્નિહોત્રીના શપથ ગ્રહણ સમારોહમાં હાજરી આપ્યા બાદ તેઓ વિશેષ વિમાનમાં રણથંભોર ઍરસ્ટ્રીપ પહોંચ્યા હતા. અહીંથી તેઓ બુંદી પહોંચ્યા અને પાપડી દરવાજાથી શરૂ થયેલી ઁ‘ભારત જોડો યાત્રા’માં સામેલ થયા હતા.
રાહુલ ગાંધીની સાથે અભિનેત્રી દિવ્યાંગના સૂર્યવંશી, અભિનેતા સિદ્ધાર્થ તંબોલી, પૂર્વ સાંસદ પ્રિયા દત્ત સહિત ઘણી સેલિબ્રિટી સામેલ થઈ હતી. ‘ભારત જોડો યાત્રા’માં મોટી સંખ્યામાં મહિલાઓ ભાગ લેવા જઈ રહી છે ત્યારે પ્રિયંકા ગાંધીઍ આ યાત્રામાં ભાગ લીધો હતો. યાત્રા બાદ રાહુલ ગાંધીઍ આઝાદ નગરમાં રાત્રિ રોકાણ કર્યું હતું. જ્યારે પ્રિયંકા અને રોબર્ટ વાડ્રા રણથંભોર જવા રવાના થયા હતા. ત્યાંથી યાત્રામાં સામેલ થવા માટે કાફલા સાથે જ પહોંચશે. ઍવું પણ કહેવામાં આવી રહ્નાં છે કે, સોનિયા ગાંધી પહેલેથી જ રણથંભોરમાં રોકાયા છે. આવી સ્થિતિમાં તેઓ પણ આ યાત્રામાં ભાગ લેવા પહોંચી શકે છે.
રાહુલ ગાંધી પદયાત્રામાં ભાગ લેવા માટે બારન જિલ્લામાંથી મોટી સંખ્યામાં મહિલાઓ પણ પહોંચશે. તેની જવાબદારી ખાણ મંત્રી પ્રમોદ જૈન ભાયા અને બારાન જિલ્લા વડા ઉર્મિલા જૈન ભાયાને આપવામાં આવી છે. બંનેઍ દાવો કર્યો છે કે, આ યાત્રામાં બારન જિલ્લાની ૫ હજારથી વધુ મહિલાઓ ભાગ લેશે. તેવી જ રીતે જયપુર અને અન્ય જિલ્લાઓમાંથી પણ મોટી સંખ્યામાં મહિલાઓ ભાગ લેશે. આ યાત્રામાં રાજ્યના મહિલા ધારાસભ્યો અને મંત્રીઓ પણ રાહુલ સાથે ચાલતા જોવા મળશે
