કેલિફોર્નિયાઃ બેપ્સ ચેરિટીઝ દ્વારા વોકેથોન શનિવારના રોજ મિલપિટાસ ટાઉનમાં ચ્ફુ ય્ ન્ફૂરુજ્ઞ્ઁ કાઉન્ટી પાર્કમાં સવારે નવથી એક વાગ્યા સુધી યોજાઈ હતી, જેમાં દરેક સમાજનાં દરેક ઉંમરનાં સ્ત્રી-પુરુષો-બાળકો, યુવાન-યુવતીઓ મોટી સંખ્યામાં ઊમટી પડ્યાં હતાં. આ ત્રીજા વાર્ષિક બેપ્સ ચેરિટીઝના વોકેથોનથી આવતી પેઢી માટે કુદરતી જરૂરિયાતો તથા પૃથ્વી પરની જમીન, પાણી અને વાતાવરણને બચાવવામાં મદદરૂપ થઈ શકશે. આ ચેરિટીઝ દ્વારા 1,65,000 ડોલરનું ભંડોળ આપીને તેમાંથી 1,30,000 ઝાડ (છોડ) રોપવા જેટલું કામ થશે, જેના દ્વારા આ વર્ષના તેમના 2025 સુધીના કુદરતી બચાવ માટેના વૈશ્વિક ટાર્ગેટમાં ઉપયોગી થવામાં મદદરૂપ બનશે. તે ઉપરાંત આ વર્ષે બેપ્સ ચેરિટીઝ વોકેથોન દ્વારા ફરીથી મિલપિટાસ યુનિફાઇડ સ્કૂલ ડિસ્ટ્રિક્ટને પણ મદદ કરશે, જેથી તે વિસ્તારમાં રહેતા અંદાજે દસ હજાર વિદ્યાર્થીઓને મદદ મળશે.
આ પ્રસંગે મુખ્ય ઉદ્ઘાટક અને મિલપિટાસ સિટીનાં નાયબ મેયર શ્રીમતી માર્સલા ગ્રિલીએ જણાવ્યું હતું કે બેપ્સ ચેરિટીઝનું વાતાવરણ રક્ષણ માટેનું કાર્ય પ્રશંસાને પાત્ર છે, જે આવતી પેઢીનાં બાળકો માટે ખૂબ જ જરૂરી છે.
આ પ્રસંગે દર્શના પટેલ તથા હિરલ શાહે જણાવ્યું કે મુખ્ય હેતુ આ પ્રવૃત્તિ ડાયરેક્ટ વાતાવરણ, સ્કૂલ અને સમાજને અસરકર્તા છે માટે આપને ભાગ લેવાની પ્રેરણા મળી છે.
આ બેપ્સ વૈશ્વિક ચેરિટીઝ નવ દેશોમાં અને પાંચ કોન્ટિનેટ (ખંડ)માં કાર્યરત છે. પાંચ મુખ્ય વિસ્તારોમાં બેપ્સ ચેરિટીઝ તેમનું ધ્યેય નિઃસ્વાર્થભાવે સેવા કરવાનું છે, જેમાં હેલ્થ જાગૃતિ, શૈક્ષણિક પ્રવૃત્તિઓ, માનવતા-વાદી કામો વાતાવરણનું રક્ષણ, બચાવ તથા સમાજના ઉત્કર્ષ માટે કાર્ય કરે છે, જે વ્યક્તિઓને વૈશ્વિક અને સ્થાનિક સેવા કરવાનું આ પ્રવૃત્તિ દ્વારા તક પૂરી પાડે છે.(માહિતીસૌજન્યઃ સી.બી. પટેલ, બે એરિયા કેલિફોર્નિયા)
