ડિરેક્ટર સુજિત સરકાર અદ્ભુત ડિરેક્ટરોમાંના એક છે. 2012માં ‘વીકી ડોનર’થી તેમની કેરિયર શરૂ થઈ હતી અને અત્યાર સુધીમાં ‘મદ્રાસ કાફે’ અને ‘પીકુ’ જેવી હિટ ફિલ્મો આપી છે. સરકારે 2016માં ‘પિન્ક’ ફિલ્મનું નિર્માણ કર્યું હતું, જેના તેઓ ક્રિયેટિવ ડિરક્ટર હતા. તેમની લેટેસ્ટ ફિલ્મ રોમેન્ટિક ડ્રામા ‘ઓક્ટોબર’ છે, જેમાં વરુણ ધવન અને વેલ્શની અભિનેત્રી બનિતા સંધુ અભિનય કરે છે. ફિલ્મ વિશેની માહિતી સુજિત સરકારે આપી હતી.
‘ઓક્ટોબર’માં શું છે?
આ ફિલ્મની સુગંધ તમને થિયેટરોમાં માણવા મળશે. આ લવસ્ટોરી નથી, પરંતુ લવ વિશેની સ્ટોરી છે. મેં અને જુહી ચતુર્વેદી જે સમજે છે અને અમે ચર્ચા કરીએ છીએ કે લવ વિશે ઘણી બધી વાતો થઈ ગઈ છે. અમે લવના નિષ્ણાતો નથી, પરંતુ હું માનું છું કે આ એવો માર્ગ છે જે દરેકે અપનાવવો જોઈએ… આ ફિલ્મ આ વાત દર્શાવે છે.
બોલીવુડમાં તમે વ્યાવયાસિક બાબતોને કઈ રીતે ધ્યાનમાં રાખો છો? નાણાં ક્યાંથી આવે છે?
તમારી વાત સાચી છે, કારણ કે હું ફિલ્મ બનાવતી વખતે હું ફક્ત નાણાં વિશે વિચારું છું. હું ખૂબ જ આર્થિક ફિલ્મમેકર છું.
આર્થિક ફિલ્મમેકર તરીકે તમે કેવી રીતે આયોજન કરો છો?
હું બિનજરૂરી શૂટ કરવાનો પ્રયાસ કરતો નથી અથવા તો વધારાના ખર્ચા કરતો નથી જે ફિલ્મ સેટ પર સામાન્ય રીતે થતા હોય છે. મને ખ્યાલ નહોતો કે ‘પિકુ’, ‘પિન્ક’, ‘વીકી ડોનર’ ફિલ્મો સારી ચાલશે. મારા નિર્માતાઓ માટે આ બોનસ હતું. મારું કામ એ છે કે ફિલ્મ બનાવવા માટે નિર્માતાઓએ જે નાણાં મને આપ્યાં છે તેનું વળતર તેમને પાછું આપવું.
ફિલ્મો બનાવતી વખતે તમે શું ધ્યાનમાં રાખો છો?
આ ફિલ્મ ‘ઓક્ટોબર’ 37 દિવસમાં અમે શૂટ કરી છે. ‘પિન્ક’ અમે 32 દિવસમાં બનાવી હતી. ફિલ્મ બનાવતી વખતે હું કંટ્રોલ રાખું છું કે ઘણા દિવસો સુધી શૂટિંગ ન કરવું, કારણ કે તેના કારણે ખર્ચ વધે છે. ‘ઓક્ટોબર’ બિગ-બજેટની ફિલ્મ બનશે તેમ લાગે છે. ‘મદ્રાસ કાફે’ સ્મોલ-બજેટ ફિલ્મ હતી. – રોઇટર્સ
