વોશિંગ્ટનઃ જો બાયડેન વહીવટીતંત્રએ યુ.એસ. કોંગ્રેસને કહ્યું છે કે મેક ઇન ઈન્ડિયા અભિયાન દ્વારા ભારતના તાજેતરના ઇમ્પોર્ટ સબસ્ટિટ્યુશન પર દ્વિપક્ષીય વેપાર સંબંધોને લગતા પડકારોને અભિવ્યક્ત કરે છે.
તેના ૨૦૨૧ની ટ્રેડ પોલિસી એજન્ડા અને ૨૦૨૦ના વાર્ષિક અહેવાલમાં, યુએસ ટ્રેડ રિપ્રેઝન્ટેટિવ (યુએસટીઆર)એ કહ્યું કે ૨૦૨૦ દરમિયાન યુ.એસ. નિકાસકારોને અસર કરતા લાંબા સમયથી બજારમાં પ્રવેશ અવરોધને દૂર કરવાના પ્રયાસ કરવામાં આવ્યા હતા અને તે આગળ પણ ચાલુ રાખશે.
જ્યારે ભારતનું મોટું બજાર, આર્થિક વિકાસ અને વિકાસ તરફની પ્રગતિ, તે ઘણા યુએસ નિકાસકારો માટે આવશ્યક બજાર બનાવે છે, ત્યારે વેપાર-પ્રતિબંધક નીતિઓના સામાન્ય અને સતત વલણથી દ્વિપક્ષીય વેપાર સંબંધની સંભાવનાને અટકાવવામાં આવ્યું છે.
યુએસટીઆરએ સોમવારે કોંગ્રેસને આપેલા પોતાના અહેવાલમાં જણાવ્યું હતું કે મેક ઇન ઇન્ડિયા અભિયાને દ્વિપક્ષીય વેપાર સંબંધો સામે આવતા પડકારોની રજૂઆત કરી છે. ૫ જૂન, ૨૦૧૯થી અમલમાં આવેલા યુનાઇટેડ સ્ટેટ્સે જીએસપી માર્કેટ એક્સેસના માપદંડ સાથે ભારતના પાલન સંબંધિત ચિંતાઓની સમીક્ષાને પગલે, જનરલાઇઝ્ડ સિસ્ટમ ઓફ પ્રેફ્રેન્સીસ (જીએસપી) પ્રોગ્રામ હેઠળ ભારતની યોગ્યતા સમાપ્ત કરી હતી.
ભારતના જીએસપી લાભોને સ્થગિત કર્યા પછી, યુએસ અને ભારતે અર્થપૂર્ણ બજાર એક્સેસ પરિણામોના પેકેજનું નિર્માણ કરવાના હેતુથી ૨૦૧૯માં સઘન કાર્ય ફરી શરૂ કર્યું હતું, અને આ જોડાણ ૨૦૨૦ દરમિયાન ચાલુ રહ્યું હતું.
આ વાટાઘાટમાં અમેરિકાના ઉદ્દેશોમાં વિવિધ બિન-ટેરિફ અવરોધોના નિરાકરણ, અમુક ભારતીય ટેરિફમાં લક્ષ્યાંકિત ઘટાડો અને અન્ય બજારમાં પ્રવેશ સુધારણાનો સમાવેશ કરવામાં આવ્યો છે.
