જિનેવાઃ કોરોના વાઇરસ મહામારીનો સામનો કરી રહેલી દુનિયા કોવિડ-૧૯ની વેક્સિનની રાહ જોઈ રહી છે. આ વચ્ચે વિશ્વ સ્વાસ્થ્ય સંગઠન (WHO)એ કહ્યું કે, આગામી વર્ષે ૨૦૨૧ના મધ્યથી પહેલા કોરોના વાઇરસની વેક્સિન આવવાની આશા નથી. WHO ચાલી રહેલી ટ્રાયલમાં પ્રભાવશીલતા અને સુરક્ષાના મહત્ત્વ પર ભાર આપ્યો છે.
WHO પ્રવક્તા માર્ગારેટ હેરિસે જણાવ્યું, ‘વેક્સિન બનાવનાર કોઈપણ દેશ અત્યાર સુધી એડવાન્સ ટ્રાયલમાં પહોંચ્યો નથી. તેવામાં આગામી વર્ષે મધ્ય પહેલા સુધી વ્યાપક રૂપથી કોરોનાની રસીની ઉપલબ્ધતાની આશા ન કરી શકીએ.’ તેમણે કહ્યું કે, વેક્સિનના ટ્રાયલનો ત્રીજો તબક્કો લાંબો થશે, તેમાં આપણે જોવાની જરૂર છે કે તે કેટલી સુરક્ષિત છે, અને કોરોનાથી કેટલી બચાવી શકે છે. માર્ગરેટ હેરિસે કહ્યું કે, અત્યાર સુધી ટ્રાયલમાં કોઈપણ વેક્સિનમાંથી ઓછામાં ઓછા ૫૦ ટકાના સ્તર પર પ્રભાવશાળી હોવાના સ્પષ્ટ સંકેત મળ્યા નથી.
જ્યાં એક તરફ WHO આગામી વર્ષે કોરોનાની રસી આવવાની વાત કરી રહ્યું છે. તો રશિયાએ માનવ પરીક્ષણના બે મહિનાથી પણ ઓછા સમય બાદ ઓગસ્ટમાં કોવિડ-૧૯ વેક્સિનને મંજૂરી આપી દીધી હતી. જેનાથી કેટલાક પશ્ચિમી નિષ્ણાંતોએ તેની સુરક્ષા અને અસર પર સવાલ ઉઠાવ્યા છે.
અમેરિકાના જાહેર સ્વાસ્થ્ય અધિકારીઓ અને ફાઇઝર ફંકે ગુરુવારે કહ્યું કે, ઓક્ટોબરના અંત સુધી એક રસી વિતરણ માટે તૈયાર થઈ શકે છે. આ ૩ નવેમ્બરે અમેરિકાની ચૂંટણી પહેલા થશે, જેમાં રાષ્ટ્રપતિ ડોનાલ્ડ ટ્રમ્પ દ્વારા બીજો કાર્યકાળ જીતવા પર મતદાતાઓ વચ્ચે મહામારી થવાની સંભાવના છે.
જિનેવામાં એક યુએન બ્રીફિંગને હેરિસે જણાવ્યું, ‘અમે ચોક્કસપણે આગામી વર્ષના મધ્ય સુધી વ્યાપક ટીકાકરણ આવવાની આશા કરી રહ્યાં છીએ.’ તેમણે કહ્યું, ‘કોરોના વેક્સિનના ત્રીજા તબક્કામાં વધુ સમય લાગવો જોઈએ. કારણ કે આપણે તે જોવાની જરૂર છે કે રસી વાસ્તવમાં કેટલી સુરક્ષાત્મક છે અને તે કેટલી સુરક્ષિત છે.’