ભારતની વસ્તીના પ્રમાણમાં અનિવાર્ય કોરોના વેકસીન હજી ઉપલબ્ધ થઈ શકી નથી. ભારતમાં સીરમ ઈન્સ્ટીટયૂટ ઓફ ઈન્ડિયાની કોવિશિલ્ડ અને ભારત બાયોટેક કોવેકસીન – હાલમાં અપાઈ રહી છે. દેશમાં દરેક નાગરિકને વેકસિનની જરૂર છે. આથી વેકસિનનું ઉત્પાદન વધારવું જરૂરી બન્યું છે. હવે એ કારણે જ બાયોટેકના અંકલેશ્વર યુનિટ પણ વેકસીનનું ઉત્પાદન શરૂ કરી રહ્યું છે. હાલમાં બેંગલુરુ અને હૈદરાબાદમાં મોટાપાયે વેક્સીનનું ઉત્પાદન કરી રહ્યું છે. ગુજરાતમાં શરૂ થનારા આ વેકસીન ઉત્પાદનનો વિશેષ લાભ આ ગુજરાતીઓને મળશે કે નહિ તે અંગે હજી કશી સ્પષ્ટતા કરવામાં આવી નથી.
