તાલિબાન: તાલિબાને ભારતના કેન્દ્રીય બજેટ ૨૦૨૩-૨૪નું વિશે પણ વખાણ કર્યા અને કહ્યું કે, અફઘાનિસ્તાનમાં ભારતની સહાયની જાહેરાત બંને દેશો વચ્ચેના સંબંધો અને વિશ્ર્વાસ સુધારવા મદદ કરશે. એક એજન્સીના અહેવાલ અનુસાર, તાલિબાન સરકારે ભારત તરફથી મળેલી મદદ માટે ભારત સરકારની પ્રશંસા કરી છે. ભારતના કેન્દ્રીય બજેટમાં નાણાં પ્રધાન નિર્મલા સીતારમણે અફઘાનિસ્તાન માટે . ૨૦૦ કરોડના વિકાસ સહાય પેકેજની જાહેરાત કરી હતી. સીતારમને બજેટ ભાષણ રજૂ કર્યું, જે મોદી સરકારના બીજા કાર્યકાળનું છેલ્લું પૂર્ણ બજેટ હતું. ૨૦૨૩-૨૪ના બજેટમાં ભારતે અફઘાનિસ્તાનને વિકાસ સહાયમાં ૨૦૦ કરોડ પિયા આપવાની રજૂઆત કરી છે. અફઘાનિસ્તાન પર કબજો મેળવ્યા બાદ ભારતે તાલિબાનને આર્થિક મદદ કરી હોય તેવું આ બીજું વર્ષ છે. રિપોર્ટ અનુસાર, આ અંગેની પહેલી જાહેરાત ગયા વર્ષના બજેટમાં કરવામાં આવી હતી. ભારતના બજેટનું સ્વાગત કરતા તાલિબાનની વાટાઘાટ ટીમના સભ્ય સુહેલ શાહીને કહ્યું, અમે અફઘાનિસ્તાનના વિકાસ માટે ભારતના સહયોગની પ્રશંસા કરીએ છીએ. તેનાથી બંને દેશો વચ્ચેના સંબંધો અને વિશ્ર્વાસ સુધારવામાં મદદ મળશે. જ્યારે તાલિબાને ઓગસ્ટ ૨૦૨૧માં કાબુલમાં સત્તા કબજે કરી હતી, ત્યારે અફઘાનિસ્તાન અને ભારત વચ્ચેના સંબંધો મતભેદ થયા હતા અને મોટાભાગની ભારતીય સહયોગની અટકાવી દેવામાં આવ્યું હતું.
