ટ્રમ્પે સત્તાવાર રીતે સ્વીકારી હાર, GSAએ બાયડેનને જાહેર કર્યાં

 

વોશિંગટનઃ અમેરિકાની એક સરકારી એજન્સીએ પરિવર્તનને આગળ વધારવાની પ્રક્રિયા માટે પડી રહેલા દબાવ વચ્ચે આખરે રાષ્ટ્રપતિ ચૂંટણીમાં ડેમોક્રેટિક ઉમેદવાર જો બાયડેનને વિજેતાના રૂપમાં માન્યતા પ્રદાન કરી દીધી છે. ડોનાલ્ડ ટ્રમ્પે પણ હાર સ્વીકારી લીધી છે. જનરલ સર્વિસેઝ એડમિનિસ્ટ્રેશન (GSA)ની પ્રશાસક એમિલી મર્ફીના બહુપ્રતીક્ષિત નિર્ણય બાદ હવે આગામી બાયડેન ટીમની સંઘીય સંસાધનો, વિવિધ ફેડરલ એજન્સીઓ અને ગુપ્ત માહિતી સુધી પહોંચ હશે. 

રાષ્ટ્રપતિ ચૂંટણી બાદ ફેરફારની પ્રક્રિયાને ઔપચારિક રૂપથી આગળ વધારવાનું દાયિત્વ GSA છે. હાલના રાષ્ટ્રપતિ ડોનાલ્ડ ટ્રમ્પે મતગણનામાં ગડબડના આરોપ લગાવતા ખુદને ચૂંટણી વિજેતા કહેતા હતા. અમેરિકામાં ત્રણ નવેમ્બરે રાષ્ટ્રપતિ પદ માટે ચૂંટણી યોજાઈ હતી, જેમાં રિપબ્લિકન પાર્ટીના ઉમેદવાર ડોનાલ્ડ ટ્રમ્પ અને ડેમોક્રેટિક પાર્ટીના ઉમેદવાર જો બાયડેન હતા. છેલ્લા બે સપ્તાહ કરતા વધુ સમયથી મર્ફી ડેમોક્રેટિક પાર્ટીના નેતાઓ, રાષ્ટ્રીય સુરક્ષા નિષ્ણાતો અને સ્વાસ્થ્ય અધિકારીઓ તરફથી આલોચનાનો સામનો કરતી રહી છે. 

ટીકાકારોનું કહેવું હતું કે પરિવર્તનની પ્રક્રિયાને ઔપચારિક રૂપથી આગળ વધારવામાં વિલંબને કારણે કોવિડ-૧૯ અને રાષ્ટ્રીય સુરક્ષા સાથે જોડાયેલા મુદ્દા પર આગામી બાયડેન તંત્રના પ્રયાસમાં વિક્ષેપ પાડી રહી હતી. મર્ફીએ આખરે બાયડેનના નામે માન્યતા પત્રમાં લખ્યું કે, ડોનાલ્ડ ટ્રમ્પ પ્રશાસન બદલાવની ઔપચારિક પ્રક્રિયા શરૂ કરવા તૈયાર છે. પત્ર પ્રશાસન દ્વારા ટ્રમ્પની હાર સ્વીકાર કરવાની દિશામાં પ્રથમ પગલું છે. આ સમાચાર તેવા સમય આવ્યા છે જ્યાં સુધી હાર સ્વીકાર ન કરનાર ટ્રમ્પે ટ્વીટ કર્યુ કે તે જીએસએ અને પોતાના પ્રશાસનમાં અન્ય રાષ્ટ્રપતિની શક્તિના ઔપચારિક સ્થાણાંતરણ માટે શરૂઆતી પ્રોટોકોલ શરૂ કરવાની ભલામણ કરી રહ્યાં છે. ટ્રમ્પે કહ્યું કે, આ પગલાની તેમણે ભલામણ કરી, તો મર્ફીએ કહ્યું કે, તેમણે કાયદો અને ઉપલબ્ધ તથ્યોના આધાર પર સ્વતંત્ર રૂપથી નિર્ણય લીધો છે. આ વચ્ચે બાયડેનની ટીમે પરિવર્તનની પ્રક્રિયા શરૂ થવાનું સ્વાગત કર્યું છે.

LEAVE A REPLY

Please enter your comment!
Please enter your name here