અરૂણાચલ: અરૂણાચલ પ્રદેશના કામેંગ સેકટરના ઊંચાઇવાળા વિસ્તારમાં ભારતીય સેનાનું પેટ્રોલિંગ દળ હિમસ્ખલનની ચપેટમાં આવી ગયું હતું. જેમાં ૭ સૈનિકો દટાયા હોવાના સમાચાર છે. આ ઘટના રવિવારે બની હતી. એક નિવેદનમા સેનાએ કહ્યું કે છેલ્લા ઘણા દિવસોથી આ વિસ્તારમાં ભારે હિમવર્ષા સાથે ખરાબ હવામાનની જાણ કરવામાં આવી રહી છે. સૈનિકોને બચાવવા માટે સેનાએ બચાવ અભિયાન શ કરી દીધું છે. બચાવ કાર્યોમાં સહાયતા માટે વિશેષ ટીમોને એરલિફટ કરવામાં આવી છે. છેલ્લા કેટલાક દિવસથી ભારે બરફવર્ષાના કારણે ક્ષેત્રનું હવામાન ખૂબ જ ખરાબ છે.
ભારે બરફવર્ષાના કારણે હિમાચલ પ્રદેશની સ્થિતિ વધારે બગડી ગઇ છે. જાણવા મળ્યા મુજબ મનાલી-લેહ હાઇવે પર હિમસ્ખલન થયું છે. આ કારણે રજાઓ ગાળવા માટે ગયેલા પર્યટકોને ખાસ સતર્ક રહેવાની સૂચના આપવામાં આવી છે. રાજયના ૪ રાષ્ટ્રીય રાજમાર્ગ સહિતના ૭૩૧ કરતાં પણ વધારે માર્ગ બંધ થઇ ગયા છે. રસ્તાઓ પર બરફ જામવાના કારણે અનેક ઠેકાણે ગાડીઓ ફસાઇ ગઇ છે.
હિમાચલ અને ઉત્તરાખંડમાં પણ બરફવર્ષાના કારણે રસ્તાઓ બંધ હોવાનું સામે આવ્યું છે. આ કારણે વીજળી-પાણીનો પુરવઠો પણ ઠપ્પ થઇ ગયો છે અને સામાન્ય લોકોના જીવન પર ખૂબ જ અસર પડી છે. હિમાચલ પ્રદેશની ડિઝાસ્ટર મેનેજમેન્ટ ઓથોરિટીએ જણાવ્યું કે રાજયની ૧૦૨ જળપૂર્તિ યોજનાઓ બાધિત થઇ છે. આ સાથે ૧૩૬૫ વીજ આપૂર્તિ યોજનાઓ પર પણ અસર પડી છે. ભારતીય સેનાના અધિકારીઓનું કહેવું છે કે શિયાળાના મહિનાઓમાં ઊંચાઇવાળા વિસ્તારોમાં પેટ્રોલિંગ કરવું મુશ્કેલ છે, જેના કારણે ભૂતકાળમાં ઘણી ઘટનાઓ બની છે અને અમે અમારા ઘણા સૈનિકો ગુમાવ્યા છે. મે ૨૦૨૦માં સિક્કિમમાં હિમસ્ખલનમાં સેનાના બે જવાનો માર્યા ગયા હતા. આ સિવાય ઓકટોબર ૨૦૨૧માં ઉત્તરાખંડમાં ત્રિશુલ પર્વત પર હિમસ્ખલનમાં ૫ નેવીના જવાનોના મોત થયા હતા. તે જ સમયે, કેન્દ્રએ પણ સંસદમાં આ વિશે ઘણી વખત માહિતી આપી છે. ફેબ્રુઆરી ૨૦૨૦માં, કેન્દ્રએ સંસદને જણાવ્યું હતું કે ૨૦૧૯માં, સિયાચીન ગ્લેશિયરમાં હિમસ્ખલનથી ૬ આર્મી કર્મચારીઓના મોત થયા હતા. જયારે અન્યત્ર સમાન ઘટનાઓમાં ૧૧ અન્ય લોકો માર્યા ગયા હતા. કેન્દ્ર સરકારે સંસદમાં એ પણ જણાવ્યું કે ઊંચાઇવાળા વિસ્તારોમાં સામેલ તમામ સશસ્ત્ર દળોના જવાનોને વિશેષ તાલીમ આપવામાં આવે છે. જેમાં તેમને પર્વતીય યાન, બરફ હસ્તકલા અને પર્વતોમાં બરફથી ઢંકાયેલા વિસ્તારોમાં ટકી રહેવા અને હિમપ્રપાત જેવી કોઇપણ ઘટનાનો સામનો કરવા માટે પૂરતી તાલીમ આપવામાં આવે છે. પેટ્રોલિંગ દરમિયાન ઇમરજન્સીનો સામનો કરી શકે.
