સાન ફ્રાન્સિસ્કોઃ સામાન્ય રીતે લોકો એક ઘરમાંથી બીજા ઘરમાં રહેવા માટે શિફ્ટ થતા હોય છે પણ અમેરિકામા સાન ફ્રાન્સિસ્કોમાં ૫૦,૦૦૦ સ્કવેર ફૂટનો એક આલિશાન વિલા જ ટ્રક પર એક જગ્યાએથી બીજી જગ્યાએ શિફ્ટ કરવામાં આવ્યો હતો. ૧૩૯ વર્ષ જુના આ આલિશાન બંગલો બે માળનો છે અને તેમાં ૬ બેડરૂમ છે. આ બંગલો સાન ફ્રાન્સિસ્કોની ફ્રેન્કલિન સ્ટ્રીટ પર હતો અને હવે તેને બીજી જગ્યાએ લઈ જવાઈ રહ્યો છે. આ ઈમારતને શિફ્ટ કરવા માટે અલગ અલગ ૧૫ એજન્સીઓની મદદ લેવામાં આવી હતી. બંગલાને પહેલા તો કાળજીપૂર્વક ઉઠાવીને ટ્રક પર ગોઠવવામાં આવ્યો હતો અને આ વિરાટ કાય ટ્રકને કલાકના ૧.૬૩ કિ.મી.ની ઝડપથી ચલાવવામાં આવ્યો હતો.
