વોશિંગ્ટનઃ અંતરીક્ષ ઉપર રાજ કરવાનો ખજાનો ખોલી ચૂકેલા દુનિયાના બીજા સૌથી અમીર માણસ જેફ બેઝોસે ભવિષ્યવાણી કરી છે અને એક દિવસ માણસ અંતરીક્ષમાં પેદા થશે. આટલું જ નહીં અંતરીક્ષમાં જન્મેલા માણસો પૃથ્વી ઉપર ફરવા આવશે. જેમ આપણે પાર્કમાં ફરવા જઈએ છીએ. સ્પેસ કંપની બ્લ્યૂ ઓરિજિનના માલિક જેફ બેઝોસના કહેવા પ્રમાણે ભવિષ્યમાં અંતરિક્ષમાં શહેર બનશે અને ત્યાં જ માણસોનો જન્મ થશે. વોશિંગ્ટનમાં બ્લ્યૂ ઓરિજિનનાં ભવિષ્યને લઈને આયોજિત એક ચર્ચામાં બેઝોસે કંપનીનની યોજનાઓ, અંતરિક્ષમાં સંશોધન, ધરતીને બચાવવા સહિતના મુદ્દે પોતાની વાત રાખી હતી.
