ઠગ્સ ઓફ હિંદુસ્તાન ફિલ્મનું પ્રથમ ગીત રિલિઝ થયું –વશમલ્લે

0
101
Mumbai: Actors Amitabh Bachchan, Aamir Khan, Fatima Sana Shaikh, Katrina Kaif and director Vijay Krishna Acharya at the trailer launch of their upcoming film "Thugs of Hindostan" in Mumbai on Sept 27, 2018. (Photo: IANS)

   

IANS

ગીતમાં અમિતાભ બચ્ચન અને આમિર ખાને ડાન્સ કર્યો છે. આ બન્ને કલાકારોની કેમેસ્ટ્રી તેમજ તેમના ડાન્સ સ્ટેપ્સ ખરેખર પ્રેક્ષણીય છે. આ ફિલ્મ યશરાજ ફિલ્મ્સના બેનર હેઠળ પેશ થઈ રહી છે. આ ફિલ્મમાં હીરોઈનની ભૂમિકા કેટરિના કૈફ ભજવી રહી છે. એક મિનિટ અને 10 સેકન્ડની સમય અવધિ ધરાવતા આ ગીતના વિડિયોને અનેક લોકો ઉત્સાહ અને ઉત્તેજના સાથે નિહાળી રહયા છે. મહાનાયક અમિતાભ બચ્ચન અને મી. પરફેકશનિસ્ટ આમિર ખાન પ્રથમવાર એકસાથે આવી રહયા છે. મૂળ તો આ ફિલ્મની વાર્તા એટલી રોમાંચક અને રહસ્યપૂર્ણ છે કે દર્શકોને એ જોવાની તાલાવેલી રહે એમાં શંકા નથી. જૂના જમાનામાં 18મી સદીના સમયગાળામાં ભારતની સમાજવ્યવસ્થા. પ્રવાસ અને મુસાફરી તેમજ વટેમાર્ગુઓને થતા સારા – માઠા અનુભવો વગેરે અનેક બાબતો આફિલ્મમાં વણી લેવામાં આવી છે. યાત્રા કરતા લોકોને ચોર – લૂંટારા અને ઠગ કેવી કેવી યુક્તિ – પ્રયુક્તિ કરીને રંજાડતા, લૂંટતા, જાનથી મારી નાખતા– આવું રસપ્રદ, કૂતૂહલજન્ય અને રોમાંચક કથાનક આ ફિલ્મમાં પેશ થયું છે. આ ફિલ્મમાં ઠગોની વાત છે, જેના વિષે બહુ માહિતી જાણવા મળતી નથી.