વોશિંગ્ટનઃ અમેરિકાએ ભારત સહિત કોરોના વાઇરસ સામે લડી રહેલા ૬૪ દેશોને ૨૭૪ મિલિયન અમેરિકી ડોલરની આર્થિક મદદ આપવાની જાહેરાત કરી છે. આ આર્થિક મદદમાં અમેરિકા ભારતને ૨૯ લાખ અમેરિકી ડોલરની મદદ કરશે. વૈશ્વિક મહામારી બની ચુકેલા કોરોના વાઇરસથી આ સમયે અમેરિકા સહિત ૬૪ દેશો એવા છે, જે હાઈ રિસ્ક પર છે.
અમેરિકાના વિદેશ મંત્રી માઇક પોમ્પિયોએ ભારતને ૨.૯ મિલિયન યુએસ ડોલરની મદદની જાહેરાત કરતા જણાવ્યું કે, આ પૈસાથી ભારત સરકાર લેબોરેટરી સિસ્ટમ, એક્ટિવેટ કેસને શોધવા, દેખરેખ અને ટેક્નિકલ એક્સપર્ટ્સની મદદ સંબંધી તૈયારીઓ વગેરેને પહોંચી વળવાના કામમાં ઉપયોગ કરશે.
