નવી દિલ્હીઃ કોરોના સામેની લડાઈમાં સરકારને સૂચન આપવાની સાથે સાથે કોંગ્રેસના પૂર્વ અધ્યક્ષ રાહુલ ગાંધીએ એક મહત્ત્વનું નિવેદન પણ આપ્યું હતું. તેમણે કહ્યું હતું કે, આ સમય છે કે આખો દેશ એક થઈને કોરોના વાઇરસ સામેની લડાઈ લડે. આ સ્થિતિમાં હું પીએમ મોદી સાથે લડાઈ કરવા માંગતો નથી. ગાંધીને પૂછવામાં આવ્યું હતું કે, સૌથી પહેલા કોરોના સામેની લડાઈમાં તમે જ સરકારને ચેતવણી આપી હતી. જવાબમાં તેમણે કહ્યું હતું કે, મને કોઈ વસ્તુની ક્રેડિટ નથી જોઈતી. હું ઈચ્છુ છું કે લોકો સુરક્ષિત રહે.
