રાજસ્થાનમાં ભાજપના એકમાત્ર મુસ્લિમ ઉમેદવાર યુનૂસ ખાન

રાજસ્થાન વિધાનસભાની ચૂંટણીના ઉમેદવારોની પાંચમી અને આખરી યાદી ભારતીય જનતા પાર્ટીએ પ્રકાશિત કરી હતી. જેમાં રાજસ્થાનની ટોન્ક બેઠક પર અગાઉ વર્તમાન વિધાયક અજિત સિંહનું નામ જાહેર કરવામાં આવ્યું હતું. એ નામ રદ કરીને હવે પીડબલ્યુડી ખાતાના  પ્રધાન યૂનૂસ ખાનનું નામ ઘોષિત કરવામાં આવ્યું હતું. ભાજપે રજૂ કરેલી પોતાના તમામ ઉમેદવારોની યાદીમાં રાજસ્થાન વિધાનસભાની ચૂંટણીમાં ભાજપે પસંદ કરેલા ઉમેદવારોમાં માત્ર એક જ મુસ્લિમ ઉમેદવાર છે. જયારે કોંગ્રેસ પક્ષે રાજસ્થાન વિધાનસભાની ચૂંટણીમાં 15 મુસ્લિમ ઉમેદવારોને ટિ્કિટ આપી હોવાનું જાણવા મળ્યું હતું.