જેરુસેલમમાં અમેરિકન દૂતાવાસનું વિડિયો કોન્ફરન્સિંગ દ્વારા ઉદઘાટન કરતા અમેરિકાના પ્રમુખ ડોનાલ્ડ ટ્રમ્પ

Reuters

જેરુસેલમમાં અમેરિકન દૂતાવાસનું ઉદઘાટન કરતાં અએમરિકાના પ્રમુખ ડોનાલ્ડ ટ્રમ્પે જણાવ્યું હતું કે, ઈઝરાયલ એક સ્વાયત્ત દેશ છે. પોતાની રાજધાની કયા હોવી જોઈએ એ નક્કી કરવાનો અેને પૂરેપૂરો અધિકાર છે. પરંતુ આ સીધીસાદી વાતને સમજવામાં આપણે નિષ્ફળ રહ્યા. ગત ડિસેમ્બર મહિનામાં જ અમેરિકાના વહીવટીતંત્રએ જેરુસલેમને ઈઝરાયલની રાજઘાની તરીકે માન્યતા પ્રદાન કરી દીધી હતી. ત્યારે જ ડોનાલ્ડ ટ્રમ્પે ઘોષણા કરી હતીકે, અમેરિકા એનો દૂતાવાસ તેલ અવીવથી ખસેડીને જેરુસેલમ લાવશે. આજ દિન સુધીમાં આખા વિશ્વમાં અમેરિકા જ પહેલો દેશ છેકે જેણે પોતાની એમ્બેસી – રાજદૂતાવાસ જેરુસેલમમાં સ્થાપિત કર્યો હોય. દુનિયાના અન્ય 86 જેટલા દેશોના ઈઝરાયલ ખાતેના દૂતાવાસ તેલ અવીવમાં જ છે. 1967માં આરબ રાષ્ટ્રોને હરાવીને ઈઝરાયલે જેરુસેલમ પર કબ્જો કરી લીધો હતો. ઈઝરાયલ જેરુસલેમને પોતાની રાજધાની ગણાવે છે, જયારે પેલેસ્ટાઈન જેરુસલેમ પર પોતાનો અધિકાર હોવાની વાત કરે છે.